umar gujri kuch yun basar tanha.......

“ umra kar di kuch yun basar tanha,
Raah thi kathin aur safar tanha…….

Nigahein dhoondhti rahi hardam tumhein,
The nazare magar nazar tanha…….

Dono ki raahein thi juda juda ,
Main kahin kahin hamsafar tanha…….

Lakhon jimson ki bheed mein dekho,
Wo khada hai mera shehar tanha……(This is for BOMBAY )

Hum badh gaye kaafilon ke saath,
Reh gayee peeche rehgujar tanha………”

aa ke bujhti shamaon ko fir roshan kiya jaaye......

"this ghazal i've written espacially keeping some enthusiastic Social organization in mind which works for the society and wants to bring some change in it ..... they are taking some initiative regarding all these problems in our society "

Aa ke bujhti hui shamaon ko fir roshan kiya jaaye ,
Ujadte hue veeranon ko fir gulshan kiya jaaye……………..

Jhulas chuki hain jinki palkein zindagi ki dhoop mein,
Un sookhe jazbaaton ko fir saawan kiya jaaye…………..

Chatpatahatein naarazgi mein badalti hain jaa rahein,
Patthar ho rahe dilon ko fir shabnam kiya jaaye …………….

Bastiyaan bikhar gayein jinki gujre hue dangon mein,
Thodi geeli mitti dekar unko fir aangan kiya jaaye…………

Badalte hue mausam mein insaan sayana ho raha ,
Gumrah ho chuki jawani ko fir se bachpan diya jaaye………

sooni ho gayi jinki maangein kargil afghan israil mein ,
thode chaand taaron se unko fir dulhan kiya jaaye................

Andhi in raahon mein hum asli shaklein bhool gaye,
Behki hui nigahon ko aaj fir se darpan diya jaaye……………....

tera wajood...........

This song i've written keeping a person in mind who's very moody n full of emotions ...........
i've tried to capture maximum of them .....but still many are left ....please check it and tell me ....


Tera wajood jazbaton ka samundar lagta hai,
Naksh tera ehsaason ka koi ghar lagta hai,

Shakhsiyat teri hai rang badalte mausam ki tarah,
Khud mein gumsum tu koi gehra bhawar lagta hai……………….


1) kabhi kaliyon kabhi phoolon sa muskurata hua,
Ban ke shola kabhi khud ko hi dehkaata hua,

Barf hai kabhi kabhi shabnam ki khushbu hai tu,
Kabhi gumsum kabhi hawaon sa harsoo hai tu …..

Pal mein jaise teri hasti mitti si jaati hai,
Kabhi tu aagosh mein leta hua saagar lagta hai……..

2)
Khud se haara hua sa kabhi lagta hai tu,
Kabhi teri aahat toofanon sa gumaan deti hai…….

Toote khwabon ke tukde kabhi sambhalta hai tu,
Kabhi teri aankhein naye armanon ka farmaan deti hain…….

Yadon ki zanzeeron mein ghulam kabhi hasti jaise, Kabhi tu jahaan ko sarfarosh karta sikander lagta hai…………….

This I’ve just now written with the theme keeping in mind about the increasing distances in any relationship espacially in today's world n lifestyle................

*************************************************************************************
Kuch yaad hai ke jab hum mile the kabhi,
Naye rishton ke gul tab khile the kahin ,

Tab khamoshi baat kia karti thi khamoshiyon se,
Muskurahatein goonja karti thi apni veeraniyon mein……

waqt badal gaya ya hum nazar churane lage,
zamane kid dhoop mein sayon se qatrane lage……..

ke Badhte jaa rahe hain shayad faasle dhire dhire,
ya Mudte jaa rahe hain apne raaste dhire dhire……….

è kabhi rishte rishton ko gudgudaya karte the ,
Hum apna hi aks samajh tumhe bulaya karte the …..

Ab dil to dhadakta hai par dhakan gumshuda hai,
Rishte wahi hain par jazbaat laapata hain……….

Ke dhundhla se rahe hain hausle dhire dhire,
Mayus se pad rahe hain ab rishte dhire dhire……………..

èis daastaan ke kirdaar sirf hum nahin hain yahaan
Har lamha ye kahin jahaan mein dohrai jaati hai……

Har dil mein kuch toote kaanch ke tukde hain,
Ke Gehrai ab rishton ke naam se sharmai jaati hai

Bikharte jaate hain har sheeshe dhire dhire,
Hum tumhein tum hamein kho rahe dhire dhire…………………….

Badh rahe hain dilon mein faasle dhire dhire
Shayad badal gayin apni manzilein dhire dhire………………..

*************************************************************************************

mandir masjid .............

Mandir masjid gurudware mein baant diya bhagwan ko,
Dharti baanti amber bhi kya baant sake insaan ko…………………………..

Baroodon ke dher par khade hue hain shehar yahaan,
Yun hi tanha tanha sabne chod diya shamshaan ko………………….

Thakti nahi hain jinki kalam likhte hue akhbaron mein,
Na geeta ki boli samjhe aur na samjhe wo kuraan ko…………………

Doob raha sooraj jaise dekho apna mulk zara ,
rang den basanti fir apne lahoo se pyaare hindustaan ko……………………