Subah wo nahi jab sooraj jagmagaye ,
Na hi wo jab panchi chehchahayein ,
Subah ka waasta nahi jab andhere kho jayein ,
Na hi wo jab taare chat jaayein …….
Meri subah wo jab tu muskuraye ,
Apni baahein faila mujhko gale lagaye …..
Teri muskurahaton ki roshni se ,
Mere andhere kahin kho jaayein …..
Teri ankhon ki shabnami chandni mein ,
Apne sitare kahin jhilmilayein ………
Aa mil kar fir ek subah ugaayein ,
Thoda main muskuraoon thoda tu gudgudaye….
Wednesday, October 1, 2008
Subscribe to:
Post Comments (Atom)
No comments:
Post a Comment