वक़्त

kuch na rahega ek roz-e-shab , har shai ho jayegi fanaa ,
bas saahil se laharein takrayengi , aur goonjegi apni sadaa...

mahal atari choubare gulshan , kal ko berang ho jayenge ,
kile makbare mandir masjid , shayad badrang ho jayenge ,
is safar ke us mod par , reh jaayega bas yaadon ka dhuaan ,
bas raeth ke sehra udte firenge , aur goonjegi apni sadaa....

gardishon mein waqt ki hongi , kitni lakh kahaaniyaan ,
thokaron mein waqt ke honge , kirdaar kitne bepanaah ,
panno se waqt ke mit jayegi , aaj likhi har daastaan ......
chand chandni tanha honge , aur faqat sunenge apni sadaa......